Atalanta arriti të merrte një fitore të madhe në transfertë, duke mundur Shakhtar Donjeskun me rezultatin e pastër 0-3.
Kjo fitore, i lejon bergamaskët të kalojnë në turin tjetër, aty ku tashmë do të përballen me më të mirat e Europës, duke shpresuar sërish në surpriza dhe rezultate pozitive.
Titullar kundër Shakhtarit e ka nisur edhe mbrojtësi i Kombëtares, Berat Gjimshiti, i cili luajti 90 minuta.
Mbrojtësi shqiptar bëri një paraqitje mjaft të mirë, duke qenë ndër më të dalluarit në fushë dhe paraqitja e tij është vlerësuar maksimalisht edhe nga Eurosport, që e vlerëson me notën 7 mbrojtësin.
“Berat Gjimshiti 7 – Bën një paraqitje duke u përshtatur. Vuan pak në minutat e para, por më pas gjen hapësira dhe nuk bën më gabime. Shpesh fiton edhe duelet me Çestnuts”, shkruhej në vlerësimin për Gjimshitin.
© SYRI.net
Bëje LIKE dhe merr lajmin e fundit nga Sporti: