Grupe të tifozëve të disa ekipeve çeke kanë marrë përgjegjësinë për sulmet fizike ndaj tifozëve “Dardanë” pak orë para ndeshjes së mbrëmshme për kualifikimet në Euro 2020 mes Kosovës e Çekisë, që u luajt në Plzen.

Faqja “hooligans.cz” ka shkruar se ultrasit e Brnos dhe Plzenit kanë sulmuar tifozët e Kosovës dhe menjëherë ka ndërhyrë policia çeke.

Kjo faqe, në Facebook ka postuar fotografi të disa tifozëve të maskuar që mbanin flamujt serbë e çekë dhe me shkrimin “S’ka dorëzim” mbi hartën e Kosovës.