Legjendat nuk harrohen kurrë. Diego Amrando Maradona ndodhet në Rosario pasi ekipi që ai drejton,Gimnasia do të ndeshet me Newell's Old Boys për javën e njëmbëdhjetë në Superligën Argjentinase.

Tifozët rivalë, sidoqoftë, nuk e harrojnë të kaluarën e Maradonës, i cili në vitin 93-94 veshi fanellën e kuqezinjve.  Ata u mblodhën poshtë hotelin ku po qëndron “El Pibe De Oro” dhe filluan të këndonin në nder të tij.

Maradona iu përgjigj tifozëve të Newell nga ballkoni i dhomës së tij, duke dërguar puthje dhe përshëndetje për të pranishmit, madje Diego në disa momente shihej duke kërcyer me këngët që tifozeria vendase ia adresonte atij.

Pritet që në stadium për këtë sfidë të jenë të pranishëm rreth 40.000 mijë spektatorë, shumica e të cilëve kanë ardhur vetëm për të parë Maradonën.