Presidenti i klubit të Real Madridit, Florentino Perez ka përshëndetur qëndrimin e Gareth Bale në klub, për sezonin 2019/20.

Uellsiani është folur shumë me një largim nga kryeqyteti spanjoll javët e fundit, ku menaxheri Zinedine Zidane, e konfirmoi se ata ishin duke negociuar me klubet për një transferim.

Bale ishte vendosur të bashkohej me skuadrën kineze Jiangsu Suning, megjithatë Perez u tërhoq nga marrëveshja në minutën e fundit për mosmarrëveshjet mbi një tarifë transferimi.

Zidane ka deklaruar që atëherë se Bale tani do të mbetet në klub dhe Perez e ka mirëpritur vendimin.

Sipas raportimeve të Marca, Bale dhe Perez kanë folur dhe ish-ylli i Tottenham ka shprehur dëshirën e tij për të qëndruar në Madrid, ku dhe Perez ka shprehur besimin e tij të plotë mbi 30-vjeçarin, për të qenë një lojtar kryesor për Real Madrid këtë sezon.

Bale luajti 76 minuta në fitoren 3-1 të fundjavës së Real Madridit ndaj Celta Vigos, ku iu dha një ovacion nga tifozët të cilët u ngritën në këmbë kur ai u zëvendësua nga Isco.