Tre futbollistë të Torinos, ishin vizitorët specialë për skuadrën e Atleticos së Madridit, në hotelin ku skuadra spanjolle qëndroi në pritje të ndeshjes ndaj Juventusit.

Iago Falque, Meite dhe Rincon u filmuan teksa hynin në hotel, ndërsa mediat e cilësuan si një grumbullim të “spiunëve” nga ana e trajnerit të Atleticos.

Nuk ka ende të dhëna në lidhje me arsyen e vizitës së këtyre futbollistëve në hotelin e Atleticos, por nuk përjashtohet që Simeone t’u ketë marrë një mendim për mënyrën se si duhet t’i përballojë bardhezinjtë.