Gian Piero Gasperini beson se Inter mund të fitojë Scudetton dhe Mauro Icardi është "një nga lojtarët më të mirë në botë", por Atalanta ende mund t'i befasojë ata.

Atalanta ka arritur që të fitojë disa pikë duke marrë tri fitore në javët e fundit pas një nisje jo të mirë të kampionatit, teksa Inter kërkon fitoren e tetë radhazi në Serie A.

"Inter është një ekip shumë i fortë dhe kandidatë për të fituar Scudetton", tha Gasperini në konferencën e tij për shtyp.

"Ky nuk është Interi që kemi parë gjatë viteve të fundit. Ata ishin skandaloz, por tani ata janë një ekip i madh në çdo mënyrë.

"Ekipet e Luciano Spalletti luajnë futboll të mirë dhe marrin rezultate. Ai ka fituar edhe tifozët, pasi San Siro është gjithmonë plotë dhe kjo është një arritje e vërtetë.

"Do të jetë një lloj tjetër lojë për ne, sepse zakonisht kundërshtarët vijnë në Bergamo dhe mbrojnë, por Interi do të luajë futboll të hapur, ne do të kemi më shumë hapësira për të deportuar. Ne duhet të bëjmë mirë.

"Interi bëri mirë kundër Barcelonës të martën dhe meritonte barazimin. Ata humbën disa pikë në Serie A në fillim të sezonit, por tani po ecin në të njëjtin ritëm si Napoli dhe Juventusi, pasi të tre ata në thelb kanë fushatën e tyre, veç pjesës tjetër ".

Icardi ka shënuar gjashtë gola kundër Atalantas, por asnjë prej tyre nuk është shënuar në Stadio Azzurri d'Italia në Bergamo.

"Ai është një nga lojtarët më të mirë në botë, pa dyshim. Ai është thjesht vdekjeprurës, "shtoi trajneri i Atalantas.

Gasperini ka qenë trajner i Interit ku është shkarkua vetëm pas disa ndeshjesh në vitin 2011.

/A.P/Syri.net/