Probleme në stadiumin “Tofik Jashari” të Shijakut.
Ndeshja Teuta-Tirana e planifikuar të startonte në orën 14:00 ende nuk ka nisur për shkak të një banderole në shkallët e stadiumit kundër presidentit Refik Halili.
Situatë absurde në Shijak, stjuardët nuk ndërhyjnë, por presin që “Fanatics” të heqin vetë parullën.
Pas 15 minutash Polica futet në tribunë dhe u kërkon tifozëve të heqin parullën kundër Halilit. Në këtë moment, “Fanatics” heqin jo vetëm parullën kundër presidentit duke lejuar fillimin e ndeshjes, por edhe banderolat e zakonshme të tyret, duke nisur kontestimin ndaj ekipit.
Pas disa minutash ku nuk kursyen fyerjet ndaj bardhebluve, ata fillojnë të largohen nga stadiumi, duke bojkotuar ndeshjen.
© SYRI.net
Bëje LIKE dhe merr lajmin e fundit nga Sporti: