Juventus luajti në fushën e vet me Genoan ndeshjen e vlefshme për javën e 9-të të Serie A, shkruan Syri.net.

Pas 8 fitoreve radhazi në kampionat dhe 2 në Champions League, skuadra e Allegrit regjistron barazimin e parë, 1-1.

Në minutën e 18-të zhbllokohet rezultati. Cristiano Ronaldo dërgon topin në rrjetën kundërshtare, duke kaluar bardhezinjtë në avantazh. Ky është goli i pestë i yllit portugez në Serie A.

Me shifrat 1-0 mbyllet pjesa e parë, por në të dytën vjen surpriza. Genoa barazon në minutën e 67-të me Bessa dhe deri në fund rezultati nuk ndryshon më.