Chelsea, Manchester Unitedi dhe Liverpooli po bëjnë të pamundurën për të nënshkruar me Elseid Hysajn.

Sipas mediave italiane, gjigantët britanikë po interesohen për të gjetur marrëvehshjen me lojtarin pasi nuk e kanë problem të paguajnë klauzolën e lirimit të lojtarit me vlerë 50 milionë euro, shkruan SYRI.net.

Alfredo Pedulla nga Sportitalia ka shpjeguar se agjenti i mbrojtësit të Shqipërisë, Mario Giuffredi, është takuar disa herë me Chelsean, skuadër e cila e konsideron 24-vjeçarin si të përkryer për Premierligë.

Megjithatë, skuadra e Antonio Contes do të përballet me konkurrencë nga Unitedi, që është shumë i interesuar për Hysaj, me të cilin dëshiron ta zëvendësojë Matteo Darmianin në largim.

Ndërkohë, në mesin e të interesuarave është edhe klubi i Liverpoolit.