Festa është legjitime te Brazili. Ylli i kombëtares, Neymar është rikthyer në stërvitje dhe tashmë është gati të udhëheqe skuadrën e tij drejt trofeut të Kupës së Botës. Braziliani i cili pësoi një dëmtim në ndeshjen e parë ndaj Serbisë, humbi sfidat me Zvicrën dhe Kamerunin, por tashmë merr fund mungesa e tij.
Sulmuesi i PSG po rikuperohet në kohë rekord dhe tashmë ka filluar stërvitjet. Është vet Neymar, i cili me anë të një postimi në rrjetet sociale ka treguar se ndihet mirë pasi u bashkua me skuadrën në seancën stërvitore të së shtunës.
“Ndihem mirë, e dija që do të ndihesha tani”, ka shkruar Neymar në Twitter, bashkangjitur me dy fotografi.
Neymar nuk dihet nëse do të jetë gati 100 për qind për ndeshjen e së hënës ndaj Koresë së Jugut, por sigurisht që pritet t’i luajë disa minuta, ndërsa në stërvitje nuk munguan golat dhe driblimet e tij.
NEYMAR NO TREINO DE HOJE! pic.twitter.com/gF3MEIR9W0
— njdeprê - marlon 🇧🇷🇶🇦 (@njdmarlon) December 3, 2022
Neymar humilhando um jogador do palmeiras, isso ai é normal https://t.co/nUjgd3UfFp
— biell (@bielzao_09) December 4, 2022
© SYRI.net