Ka ende polemika pas golit të fitores së Japonisë ndaj Spanjës, teksa së fundmi ka reaguar edhe FIFA, e cila ka publikuar prova vendimtare që tregojnë se topi nuk ka kaluar vijën e portës.

Fillimisht, topi dukej se kishte kaluar vijën e portës, ndërsa Kaoru Mitoma vrapoi pas tij dhe u përpoq ta kthente në kuadratin e Spanjës.

Mitoma dërgoi një pasim kthimi në zonë dhe Ao Tanaka e kaloi e çoi atë në rrjetë për të shpërthyer në festë Japoninë.

Japan’s second goal in their 2-1 win over Spain was checked by VAR to determine if the ball had gone out of play.

The video match officials used the goal line camera images to check if the ball was still partially on the line or not. pic.twitter.com/RhN8meei6Q

— FIFA.com (@FIFAcom) December 2, 2022

"Goli i dytë i Japonisë u kontrollua nga VAR për të vendosur nëse topi ishte jashtë kufijve të fushës së lojës. Gjyqtarët e VAR përdorën kamerat e vijës së portës për të kontrolluar nëse topi ishte pjesërisht në vijë apo jo," shpjegoi FIFA.

FIFA have released video evidence to show that the ball did NOT fully cross the line on Japan's second goal against Spain 👀 pic.twitter.com/wVMkwPBevJ

— ESPN FC (@ESPNFC) December 2, 2022

“Kamera të tjera mund të ofrojnë kënde të pasakta, por bazuar në provat e disponueshme, topi nuk ishte jashtë loje gjatë gjithë rrugës”, shtoi FIFA.

Kujtojmë se Japonia mposhti mbrëmë Spanjën me një përmbysje të bujshme 2-1 dhe kështu zuri vendin e parë në grup. Po ashtu me këtë gol Gjermania u eliminua nga Botërori edhe pse në xhiron e fundit e mposhti Kosta Rikën me rezultat 4-2.