Belgjika barazoi pa gola ndaj Kroacisë pasditen e djeshme, teksa me këtë rezultat, “Djajtë e Kuq” nuk avancojnë dot nga grupet e Botërorit duke u eliminuar që në këtë fazë.

Romelu Lukaku, ishte lojtari që dje ka pasur shanset më të mëdha për shënim, teksa çuditërisht sulmuesi i Interit ka gabuar në 4 gola të sigurt.

Për këto raste flagrante ka reaguar mesfushori kroat i Seviljes, Ivan Rakitiç, me anë të një “Story” në rrjetin social “Instagram” duke u tallur me Romelu Lukakun, teksa thotë se do të nderohet për një muaj në qytetin e Splitit:

“Ec aty, Lukaku! Do ta nderojmë për një muaj në qytetin e Splitit. Ec aty!”, thotë gjatë videos mesfushori që u shpall nënkampion Bote me Kroacinë në “Rusi 2018”.

Rakitic thanking Lukaku 😂😂 pic.twitter.com/UhdT2gNwyu

— CroatianSports (@CroatianSoccer) December 1, 2022