Përfaqësuesen e Iranit e ka kapluar tensioni në prag të ndeshjes së mbrëmjes së sotme ndaj SHBA-së, në orën 20:00, e vlefshme për Grupin B të Botërorit “Katar 2022”.

Futbollistët iranianë kanë pasur një takim me anëtarët e korpusit të Gardës Revolucionare ku u gjendën përballë me kërcënimet e tyre kundrejt familjeve të tyre.

“Ose silluni mirë, ose do t’ju torturojmë familjet tuaja”, thuhej të jetë thënë në takim me futbollistët, sipas asaj që raporton “CNN”.

Kjo ka ndodhur për shkak se lojtarët iranianë kanë refuzuar të këndonin himnin kombëtar në ndeshjen ndaj Anglisë, më 21 nëntor, e përfunduar me humbjen e thellë 6-2.