Analisti Andi Bushati ka reaguar ashpër ndaj dokumentit të publikuar nga kryeministri Edi Rama, të titulluar “BESA”, duke e cilësuar atë si një tekst të gjatë pa përmbajtje konkrete.

Në një postim në Facebook, Bushati ironizon përpjekjen e Ramës për të rikthyer besimin përmes fjalëve, duke argumentuar se në situata krize qytetarët presin veprime reale dhe jo monologë politikë.

Postimi i plotë:

Besa si tollumbace pa përmbajtje

Harxhova kohen më kot të lexoj këtë dokumentin e gjatë të titulluar "BESA". Konkluzioni: te duash të shuash zemërimin me fjalë, protestën me monolog. Asgjë konkrete...

Në kriza të tilla, askush nuk dëgjon logohré, njerëzit presin ose akte reflektimi (nga dorëheqja deri tek përmbysja e strukturës së shtetit të personalizuar), ose akte force (shtypja me dhunë e protestës), pa të cilat nuk mund të rikthehet qetësia sociale.

Ndërsa kjo përpjekja për të rikthyer besimin me fjalime, duket si dëshpërim qesharak