Qytetarët janë thirrur sot paradite në protestë para parlamentit ku do të mbahet dhe seanca e fundit parlamentare për këtë sesion.

Dje në Tiranë u shënua dita e 53-të e protestës kundër qeverisë socialiste dhe kryeministrit Rama. Protestuesit i kanë bërë thirrje SPAK të nisë hetimet për shefin e qeverisë pasi pikërisht kjo është prova e zjarrit që vërteton se ata janë të pavarur.

“T’i tregojmë parlamentit që nuk na përfaqësojnë dhe që nuk jemi të kënaqur me punën që ata bëjnë” thanë protestuesit mbrëmë.

Edhe të martën e kaluar pati protestë para parlamentit dhe protestuesit goditën me vezë drejt makinave të ministrave të qeverisë socialiste.