Protesta e 32-të radhazi për largimin e kryeministrit Edi Rama po mbahet sot në Kryeqytet. Fillimisht qytetarët u grumbulluan në sheshin ‘Skënderbej’ dhe më pas marshuan masivisht drejt Kryeministrisë.

Me pankarta në duar, thirrje përmes megafonëve dhe fjalime të shkurtra, protestuesit adresuan kërkesat e tyre ndaj qeverisë, duke kërkuar mes të tjerash edhe largimin e saj.

Gjitthashtu protestuesit kanë njoftuar se sërisht nesër në orën 10:00 do të rikthehen para Parlamentit për të vzahduar protestat kundër qeverisë Rama.

Ndër sloganet që tërhoqën vëmendjen në prag të nisjes së protestës së 32-të janë:

“Dita e 32-të, qytetarët janë ende këtu.”

“Kryeministri poston, populli proteston, përgjegjësia mungon.”

“32 ditë, mesazhi i qartë. Vetëm Rama ‘po përpiqet’ ta kuptojë.”

“Rama n’burg, Belinda n’burg.”

“O Ramzi, protesta nuk matet me dron apo telefon, por me zërin e qytetarëve.”

“32 ditë, drejtësia e shtyrë, demokracia e mohuar.”

“Nuk e blen dot heshtjen tonë me 5 mijë lekë për pensionistët.”

“Zëri i popullit nuk burgoset.”

“Ku Ramës i mbaron argumenti, nis fyerja”.