Përveç thirrjeve dhe fjalimeve, protesta e zhvilluar në Tiranë u shoqërua edhe nga një numër i madh pankartash me mesazhe kritike ndaj qeverisë dhe kryeministrit Edi Rama.
Qytetarët zgjodhën të shprehin pakënaqësitë e tyre përmes parullave që trajtonin tema të ndryshme, nga korrupsioni dhe pronat publike deri te mbrojtja e natyrës dhe aktivizmi qytetar. Mes pankartave që tërhoqën vëmendjen ishte ajo me mbishkrimin: “Shqipërinë e mori Rama, i vu zjarr. Shqiptar mos rri, por duku shqiptar”.
Një tjetër mesazh vinte theksin te mbrojtja e mjedisit, ku shkruhej: “Një komb që shet natyrën, shet të ardhmen”, ndërsa një pankartë tjetër i drejtohej brezit të lëvizjes studentore të viteve ’90 me thirrjen: “Studentë të Dhjetorit, Shqipëria ka nevojë përsëri për zërin tuaj”.
Në protestë nuk munguan as mesazhet që bënin thirrje për unitet. “Kur jemi të bashkuar, bëhemi më të fortë. Shqipëria e shqiptarëve, vdekje tradhtarëve”, lexohej në një prej pankartave të mbajtura nga protestuesit.
Ndërkohë, një nga parullat më ironike të protestës ishte ajo drejtuar kryeministrit Rama, ku shkruhej: “5 mijë euro kushtojnë dy cica, ti jep me 1 euro m² e tokës”.
Me pankarta në duar dhe thirrje kundër qeverisë, protestuesit paralajmëruan se tubimet do të vijojnë edhe në ditët në vijim, duke përsëritur sloganin: “Nesër më shumë!”.
Disa prej pankartave:
© SYRI.net
Denonco
Merrni lajmet më të fundit nga SYRI.net në çdo moment dhe kudo që të jeni!
'Dhitë janë me Flamingot!'/ Surpriza e ditës së 18-të të protestës, 'bariu' hyn mes turmës me kopenë e tij
250-vjetori i Pavarësisë së SHBA/ Tedi Blushi: Miqësia shqiptaro-amerikane mbetet strategjike
PD reagon për deklaratën e Marta Kos: Bazohet në informatat e rreme të Ramës dhe thellon krizën