SYRI TV/ Vazhdojnë protestat e diasporës, shqiptarët ngrihen në disa shtete të Europës

Me thirrjet për dorëheqjen e kryeministrit Rama, diaspora shqiptare  ka vazhduar protestat në dhjetëra qytete të Evropës.

Emigrantët shqiptarë kanë pushtuar rrugët e Romës, Berlinit, Vienës, Mynihut dhe qyteteve të tjera me thirrjet për largimin e menjëhershëm të qeverisë socialiste dhe kryeministrit Rama i cili I ka detyruar të largohen nga vendi i tyre.

SYRI TV

Protestat masive për largimin kryeministrit Edi Rama vazhdojnë për ditë me rradhë në shtete të ndryshme të Botës dhe Evropës . Italia është një nga kryeqendrat e protestës së diasporës shqiptare, ku në disa qytete, shqiptarët janë ngritur në protesta për të kërkuar dorëheqjen e kryeministrit Rama.

Qindra qytetarë në Romë me flamuj shqiptarë në duar dhe pankarta kundër qeverisë kanë protestuar duke kërkuar largimin e menjëhershëm të qeverisë socialiste.

Qindra qytetarë të tjerë shqiptarë kanë protestuar në qytetet e Genoas, Pisës dhe Torinos në Itali, ku si kërkesë e njëjtë dhe e panegociueshme si bashkëkombasit e tyre kudo në Botë, ka qenë largimi i Edi Ramës.

Qindra emigarantë shqiptarë janë mbledhur për të protestuar kundër shefit të qeverisë shqiptare në Vienë. Me pankarta në duar qytetarët kanë kërkuar largimin e qeverisë dhe kryeministrit Rama.

Me thirrjet “Rama jepe Dorëheqjen”, ata kanë marshuar drejt Muzeut të Historisë së Artit në kryeqytein austriak ku dhe ruhet shpata dhe përkrenarja e heroit kombëtar Gjergj Kastriot Skenderbeu.

Diaspora shqiptare ka organizuar edhe një protestë tjetër këtë të dielë në Berlin duke kërkuar dorëheqjen e kryeministrit. Gjatë tubimit, protestuesit mbanin pankarta dhe brohorisnin slogane si “Rama ik, ju erdhi fundi”, duke shprehur pakënaqësinë e tyre ndaj qeverisjes dhe situatës politike në Shqipëri.

Me thirrjet “Rama jepe dorëheqjen”, emigrantët Shqiptarë kanë zhvilluar protesta  në Gjermani edhe në qytetet e Mynihut dhe Këlnit. Qindra qytetarë janë mbledhur për të kërkuar dorëheqjen e kryeministrit Rama dhe nisjen e një kapitulli të ri në historinë e Shqipërisë.