Ta shfrytëzosh Shqipërinë për një skenë e një biletë…

Nga Grigel Muçollari

Ta shfrytëzosh Shqipërinë për një skenë e një biletë.

Çdo kryeministër kudo në bote duhet të ketë një raport me vendin e tij, jo gjithmonë të drejtë e të ndershëm. Në shumë raste, i mandatuari për të qeverisur merr shumë nga vendi, por në jo pak raste, ai jep dhe kontribuon për vendin e tij.

Tek Edi Rama kemi shembullin se si një Kryeministër merr gjithçka nga vendi për interesat dhe kredon e tij, dhe asgjë anasjelltas.

Mandatin që ka marrë këtu, prej vitesh tanimë ai e ka shndërruar në një mundësi, në një biletë pêr të fituar një skenë për veten e tij. Shpesh duke e paguar këtë me copa nga atdheu.

Për të fituar skenën me Melonin ai lejoi ndërtimin e qendrave për emigrantët në Lezhë, të kontestuara, të dyshuara për shkelje të të drejtave të njeriut.

Fali portin e Durrësit për të pasur një skenë në Emiratet e Bashkuara Arabe.

Heren e fundit që ishte atje, dha 120 mln euro për projektin Smart-City.

E shfrytëzon Shqipërinë për një biletë në Bordin e Paqes, për të krijuar raporte personale me njerëz pranë Trump.

Eshte nëpër forume e ekspozita, tryeza e bankete, si Kryeministër i vendit. Me kosto të mëdha udhëtimi e qëndrimi.

Ne ende nuk e dimë a ka marrë Shqipëria diçka mbrapsht nga udhëtari i shtrenjtë nëpër botë? Por dimë se ai i merr gjithçka këtij vendi, nën tokë e mbi tokë, në bregdet e në male, vetëm për të siguruar një biletë e një skenë për veten e tij.

Zor se do gjesh në botë një raport të tillë të zhdrejtë e të abuzuar mes një vendi e një Kryeministri. Ah po. Qenka nisur për në Seul.

Me shpenzime të larta që i paguajmë ne, populli. Do flasë atje në një forum. Çfarë merr Shqipëria nga kjo? Asgjë. Merr vetëm Edi Rama lavdinë e një skene në anën tjetër të botës.