Sekretari i Përgjithshëm i PD, Flamur Noka, vijoi fjalën e tij para qytetarëve të mbledhur tek kryeministria, duke përshkruar gjendjen ekonomike dhe sociale të vendit si një ‘krizë shumëdimensionale’ që thellohet prej 13 vitesh.

Noka citoi edhe një turist italian që kishte shprehur habi publike: çmimet e shportës në Shqipëri janë disa herë më të larta se në Itali, ndërkohë që pagat janë disa herë më të ulëta. ‘Ne na kishin thënë realitet tjetër nëpër propagandë,’ kishte thënë turisti, sipas Nokës.

Sekretari i PD akuzoi se opozita prej muajsh ka kërkuar komisione hetimore dhe interpelanca me kryeministrin, pa asnjë rezultat. ‘Kemi zgjedhur këtë vend për të stacionuar parlamentin e qytetarëve, sepse ai parlament qelbet drogë dhe korrupsion,’ u shpreh Noka.

Ai theksoi se zëri i opozitës sot ‘ka jehonë më shumë se kurrë do herë tjetër, jo vetëm në Shqipëri’, dhe se ndërkombëtarët janë tashmë të qartësuar për natyrën e qeverisjes aktuale.

Pjesë nga fjala e sekretarit të Përgjithshëm të PD, Flamur Noka:

Spitalet e luftës, të dashur qytetarë të këtij vendi, kanë qenë më të pajisura dhe më funksionale se spitalet e kohës së Rilindjes në Shqipëri. Por të mos them për pensionistët, që i ka përçudnuar dhe dhunuar jashtë çdo perceptimi njerëzor.

I trajtojnë si kavje, ku në fund 100 euroshin e fushatës t'ia konsiderojnë mirënjohje jete. Ky është pra, shëmbëlltyra më ogurzezë e një pushteti që ka kaluar ndonjëherë në Shqipëri. Të dashur miq, përballë kësaj jemi ne. Jemi ne opozita.

Detyra jonë është që të menaxhojmë këtë lumë urrejtje dhe mllefi ndaj këtij regjimi, të menaxhojmë këtë pakënaqësi të pafundme që ndodhet në çdo cep të vendit, në çdo shtëpi shqiptari.

Detyra jonë është ta orientojmë atë dhe ta drejtojmë në rrugën e ndryshimit. Kazani i shqiptarëve, kazani i revoltës së tyre po zien. Është përgjegjësia jonë që t'i japim rrugë. Po të shikoni miq, edhe turistët, edhe turistët që sapo vijnë, shfryjnë mllef. E ndoqët para tre ditësh një turist italian. Çfarë tha? Habitem tha si jetojnë shqiptarët në Shqipëri.

Sepse këtu tha gjej çmimet e shportës disa herë më të shtrenjta se në Itali. Pyes për rrogat, rrogat janë disa herë më të ulta se në Itali. Nuk e kuptoj si jetojnë shqiptarët tha. Ne na kanë thënë realitet tjetër tha nëpër, nëpër propagandë, nëpër media, në propagandë. Dhe vijmë e gjejmë një realitet të tmerrshëm në Shqipëri. Pra, kjo është Shqipëria e sotme, Shqipëria e qeverisur nga narkosi.

Pra, është një vend ku kostoja e jetesës së një qytetari të thjeshtë tallet me fuqinë blerëse të tij. Është një vend ku kriza ekonomike, jo vetëm ekonomike, është shumëdimensionale, është ulur këmbëkryq në mënyrë të përditshme, ndërkohë që kriza të tilla shoqëritë i kalojnë në kohë epidemish apo në kohë luftrash.

Shqipëria 13 vjet nga dita në ditë thellohet në këtë lloj krize. Por, pse themi ne që shpresa e vetme jemi ne, është opozita? Sepse në situata të tilla, në çdo vend të botës demokratike, do kishin dhënë dorëheqje dhjetëra qeveri, jo një qeveri. Por, narkosi që qeveris dhe që vegjeton këtu mbrapa, nuk ka empati. Ai nuk ka ndjeshmëri se vuajnë, se torturohen në spitale, në shkolla, kudo shqiptarët. Jo. Se është populluar vendi. Jo, nuk ka empati.

Ai e ka treguar këtë në 13 vite. E dëgjoni. Negociatat rrezikohet të bllokohen tërësisht. Pse? Sepse Shqipërinë e qeveris Edi Rama dhe qeverisja e tij është antidemokratike dhe është një qeverisje që ka bllokuar rrugën drejt Europës. Atij s'ia ndjen. Ai thotë fajin e ka opozita, Europa fajin e ka. Në fushatë ju premtoi shqiptarëve Europën.

Tani kur Europa i bën bllokadë, sepse ai bëri bllokadë ligjit dhe drejtësisë, fajin e paska Europa. Po nuk mban përgjegjësi. As do t'ia dijë fare. Kur parlamentin e ka marrë peng dhe nuk funksionon, ai ndjen kënaqësi. Jo më, nuk bëhet fjalë për përgjegjësi, për të gjetur përgjegjësi. Jo. Ai ndjen kënaqësi. Sikundërse ndjen kënaqësi një njeri i tillë pa empati kur vuan populli dhe shoqëria e tij. Ne jemi këtu sepse në Shqipëri asgjë nuk funksionon. Prandaj jemi këtu.

Jemi në këtë foltore, jemi në protestë, jemi në përballje, për ta bërë, për të kthyer legjitimitet dhe për të kthyer stabilitet në një vend ku institucionet janë të destabilizuara dhe Edi Rama po e fut në rrugë të destabilizimit edhe shoqërinë shqiptare dhe Shqipërinë.

Prandaj jemi këtu. S'mund të pranojmë, nuk është një lloj të flasësh në atë parlament dhe këtu, në parlamentin e fjalës së lirë. Atje e keni ndjekur. Ne që jemi përfaqësuesit tuaj, prej kaq e kaq muajsh kemi kërkuar komisione hetimore. Asnjë nuk është dhënë. Kemi kërkuar interpelanca me kryeministrin, asnjëherë nuk vjen. Jo. Kërkojmë fjalën, na ndërpritet dhe shpallemi armiq. Pse?

Sepse ai parlament është marrë peng nga Edi Rama dhe nuk është parlamenti i qytetarëve. Dhe kemi zgjedhur ne këtë vend për të stacionuar parlamentin e qytetarëve, sepse ai parlament qelbet drogë dhe korrupsion. Tani, ju e dini, çdo shqiptar tashmë, por dhe ndërkombëtarët janë të qartësuar. Hajdut si ky as ka, as ka patur, as urojnë të mos ketë në këtë Shqipëri.

Nuk ka të dytë si ky. Por, ajo që është shqetësuese edhe më shumë, është se sot janë bindur shqiptarët dhe ndërkombëtarët se barbar si ky as ka, as ka patur, as do të ketë në këtë vend. Prandaj sot, zëri ynë përcillet kudo dhe ka jehonë më shumë se kurrëdo herë tjetër, jo vetëm në Shqipëri, por edhe tek ndërkombëtarët.