Dështimi i reformës/ Ministri i Ramës u kërkon qytetarëve vetëgjyqësi

Ministri i Drejtësisë i Edi Ramës, Besfort Lamallari, u tha qytetarëve sot se nuk duhet të presin shumë nga drejtësia.

Ai u kërkoi atyre që t’i zgjidhin çështjet me ndërmjetësim.

Deklarata e tij erdhi pasi stoku i dosjeve si pasojë e reformës ka kapur qiellin.

Qytetarët duhet të presin edhe me dekada për të marrë drejtësi.

Si një nga zgjidhjet kryesore për lehtësimin e stokut, ministri i Ramës kërkoi përdorimin më aktiv të ndërmjetësimit, duke u bërë thirrje gjyqtarëve që të orientojnë palët drejt pajtimit dhe zgjidhjeve jashtëgjyqësore.

“Kuadri ligjor ekziston, mekanizmat ekzistojnë. Ministria e Drejtësisë po merr masat e nevojshme për ta bërë ndërmjetësimin një instrument real dhe funksional”, deklaroi ai.

Lamallari theksoi se, përballë një situate kritike me stokun e dosjeve, ndërmjetësimi mbetet një nga mundësitë më të mëdha të humbura, pavarësisht ndikimit pozitiv që mund të ketë në lehtësimin e barrës së gjykatave dhe përshpejtimin e drejtësisë.

Kujtojmë se drejtësia e vonuar cilësohet si drejtësi e mohuar.