Berisha: Me opozitën për largimin e Ramës do të bashkëpunojnë dhe shumë faktorë të tjerë të rëndësishëm

Kreu i PD-së, Sali Berisha, gjatë një deklarate për media, theksoi se strategjia e opozitës është largimi i Edi Ramës nga pushteti, dhe se ky qëllim do të arrihet shumë shpejt.

Ai shprehu besimin e thellë se opozita shqiptare, së bashku me shumë faktorë të tjerë të rëndësishëm të shoqërisë, do të bashkëpunojnë dhe veprojnë së bashku për të realizuar këtë objektiv.

Berisha theksoi se kjo ka të bëjë me guximin dhe ndershmërinë e qytetarëve shqiptarë, të cilët janë të vendosur të përzënë sa më shpejt këtë "të keqe të madhe" dhe të rrëzojnë organizatën kriminale që drejtohet nga Edi Rama.

Fjala e tij:

Strategjia e opozitës është largimi i tij një minutë e më parë nga pushteti. Opozita është e sigurtë që do të realizojë objektivin e saj. Kjo është dhe ka besim të madh tek guximi, ka besim të madh tek trimëria, ndershmëria e qytetarëve shqiptarë.

Ka besim të madh se përkrah opozitës shqiptare, së bashkë me opozitën shqiptare, do bashkëveprojnë dhe bashkëpunojnë shumë e shumë faktorë të tjerë rëndësishëm në shoqërinë shqiptare, që duan ta përzënë 1 minutë e më parë, këtë të keqe të madhe, këtë organizatë kriminale që udhëhiqet nga Edi Rama.