VIDEO/ Kodi i ri Penal i ngjason atij të Turqisë, Petani: Do të rrisin stokun e dosjeve nëpër gjykata

Avokatët janë shprehur në masë kundër ndryshimeve të Kodit të ri Penal që ka propozuar Edi Rama dhe shpura e tij në ministrinë e Drejtësisë.

I ftuar në edicionin ‘Ora 19’, kreu i Dhomës së Avokatisë në Durrës, Lorval Petani është shprehet se, propozimet e bëjnë kodin e ri, njësoj si ai i Turqisë.

Gjatë bisedës në studion e SYRI TV me Armela Ferkon, Petani është shprehur se, këto ndryshime do të rrisin stokun e dosjeve nëpër gjykata.

‘Ka pasur organizata në Shqipëri që janë paguar me miliona euro për të bërë analizën e stokut të dosjeve në Gjykatën e Lartë. Jo vetëm që nuk u rregullua, por janë shtuar.

Nëse do të shtonim 617 nene të reja, përpos 332 nene që kemi, çfarë do ndodhë me sistemin e drejtësisë?

Shtohet volumi i çështjeve, shtohen dosjet, shtohen veprat penale, dhe çfarë do të bëhet me ketë prokurori që kemi.

Sa u munduan të rregullojnë diçka me magjistratët e rinj që dolën, ne kërkojmë të shtojmë volumin e çështjeve penale, shtojmë dosjet dhe çfarë do bëjmë? Do bëjmë një mbingarkesë të çështjeve që do sjellë anomali.

Po të bëjmë krahasime të kodit aktual me kodin e ri. Referuar vetëm një neni përsa i përket shpërdorimit të detyrës nga zyrtarë të lartë.

Neni 260 i kodit aktual referon problemet e zakonshëm që kanë një kualifikim nga 2 deri në 8 vite burg dhe zyrtarët e lartë nga 2 në 12 vite burg.

Çfarë ka bërë drafti i ri? Ky draft heq ndasinë mes zyrtarëve të lartë dhe atyre të zakonshëm, i klasifikon të gjithë njësoj dhe bën një qasje për vepër penale nga 3 deri në 8 vjet burg.

U është dhënë një mundësi për uljen e dënimit.

Dhe nga ana tjetër kemi sanksione për kërcënime të pavarësisë së sistemit gjyqësor, sanksione për shprehjen e lirë, sakonsione për shpifjen.

Sanksione për shpifjen si do ta interpretosh?

Kemi një censurë’, u shpreh Lorval Petani në SYRI TV.