Lideri i opozitës, Sali Berisha është shprehur nga SPAK se nuk ka kundërshti ndaj asnjë gjyqtari konkret, përveç rasteve të veçuara në apel, por ka ngritur shqetësimin për një çështje më të thellë: parimin e pavarësisë së gjyqtarit në ushtrimin e detyrës.

Pjesë nga fjala e kreut të PD, Sali Berisha:

Nuk kam asnjë kundërshti për asnjë gjykatës konkret, përveç ndonjërit që është në apel.

Ai, i njohur tani, famozi, por nuk kam kundërshti për gjykatës konkret.

Por kam kundërshti për një parim themelor që ka të bëjë me pavarësinë e gjykatësit në detyrën e tij.

Nuk mundet kurrë që gjykatësi që shqyrton dosjen e Altin Troplinit, të kontrollohet nga Altin Troplini.

Thashë unë, ju duhet të bëni hetim.

Ka pasur një gjë të rëndë aty brenda, unë po e hetoj, por thuhet se aty për shkak të refuzimit të njërit prej anëtarëve të gjykatës speciale, ka shkuar puna te rrëmbimi i kompjuterit, etj, etj.

Gjëra të tilla janë të dënueshme, edhe në Korenë e Veriut nuk ndodhin.