SPAK apelon vendimin e GJKKO, për ndryshimin e masës së sigurisë të kreut të dhomës së avokatisë Korçë, Arben Lena.

Ky i fundit u lirua nga qelia, ndërsa Gjykata e Apelit të Posaçëm vendosi masën e arrestit në shtëpi deri në përfundim të hetimeve.Këtë vendim të dhënë nga apeli i GJKKO, SPAK e ka cilësuar jo të drejtë. Arben Lena akuzohet për korrupsion, pasi do të ndikonte në një vendim gjyqësor kundrejt parave.

SYRI TV

Prokuroria e Posaçme ka apeluar brenda një kohe rekord lirimin e kreu të Dhomës së Avokatisë në Korçë Arben Lena nga qelia në masën arrest në shtëpi. Prokurori i Posaçëm Elvin Gokaj kundërshton vendimin e gjyqtarit të Shkallës së Parë Erion Çela, duke dërguar çështjen sërish në Apel.

Kujtojmë se shumica e personave që kanë dhënë paratë për të ndikuar në një vendim gjyqësor janë në burg, ndërsa marrësi që sipas akuzës është avokati Lena, u la me masë arresti shtëpie. Vetëm pak ditë më parë Apeli i Posaçëm vendosi ta lërë në fuqi masën arrest në burg, ndërsa dje (e entje 9 maj) ajo u ndryshua nga gjyqtari Çela, një vendim që sipas akuzës nuk është i drejtë. 

Kreu i Dhomës së Avokatisë në Korçë Arben Lena i akuzohet për ushtrim të ndikimit të paligjshëm lidhur me çështjen e një të arrestuari për akuzën e trafikimit të refugjatëve të cilin Lena e mbronte.

Avokati ka mohuar akuzat, duke pretenduar se arrestimi i tij është i pabazuar. Sipas Prokurorisë Speciale Arben Lena ishte pjesë e grupit të 5 personave që tentuan të korruptonin me 5 mijë euro gjyqtarët e Apelit të Korçës për të liruar nga paraburgimi Bledar Koziçin, i arrestuar për trafikim refugjatësh. Skema e dyshuar korruptive u godit më 26 dhjetor të vitit 2023.

Sekserët Nikoll Hafesllari dhe Nikoll Jesku do të merrnin 5 mijë euro nga familjarja e të arrestuarit, Artiana Kozici, ndërsa në skemë sipas SPAK është e përfshirë edhe avokatja Dajana Kodra.

Në arrest në burg në fund të vitit të kaluar u lanë Hafesllari, Jesku dhe Kuziçi, Dajana Kodra në arrest shtëpie,  ndërsa Artiana Kozici e Dritan Tabaku në detyrim paraqitje. Burime konfirmojnë se nën hetim është edhe një gjyqtar i Apelit të Korçës para se ky institucion të shkrihej me hartën e re gjyqësore.