Mazhoranca ka braktisur mbledhjen e komisionit hetimor për koncesionet në shëndetësi, duke bllokuar sërish hetimet. Kryetarja e Komisionit Albana Vokshi, akuzoi socialistët se po bllokojnë hetimet, për të mbrojtur dy aferat korruptive në shëndetësi. Mbledhja u zhvillua mes debatesh dhe tensionesh të shumta, ndërsa socialistët u mblodhën pa opozitën, duke miratuar të vetëm, planin e hetimit për komisionin.
Pas tre orësh debatesh dhe tensione, depuetëte e Partisë Socialiste, janë larguar nga mbledhja e komisionit hetimor për shendetësinë, duke bllokuar edhe njëherë komisionin. Pas 5 minutave pushim, deputetët e PS, nuk u kthyen më në sallë, duke braktisur mbledhjen, ndërsa kryetarja e komisionit Albana Vokshi , i akuzoi se po mbrojnë, dy koncesionet korruptiuve, atë të sterlizimit dhe të check up, duke bllokuar kërkesat për informacion.
Më herët, komisioni u përfshi në debate të forta dhe shkak i përplasjeve u bënë mosdakortësia për planin e hetimit. Përfaqeuesit e mazhorancës, kërkuan miratimin e planit të hetimit, ndërsa opozita u shpreh se plani nuk mund të miratohet para se të merren provat dhe informacionet nga insitucionet.
Tensionet në mbledhjen e komisionit, u përshkaëllzuan sepse akuzat politike kaluan në sulme personale mes deputetëve.
Pas largimit të socialistëve kryetarja e komisionit Albana Vokshi njoftoi mbledhjen e radhës, të marten e 30 prillit.
© SYRI.net