Kryetari i Partisë Demokratike, Sali Berisha ka publikuar një foto të kryeministrit Edi Rama, ku shihet se në zyrën e tij në kryeministri, mban në tavolinën e punës një matrioshkë të presidentit rus, Vladimir Putin. 

Në postimin e tij në Facebook, Berisha e krahason Ramën me diktatorin gjakatar të shqiptarëve, Enver Hoxhën, i cili mbante në zyrë bustin e udhëheqësit komunist të Rusisë, Joseph Stalinit. 

‘Edi në tavolinë me matrioshkën e Putinit. Enveri mbante bustin e Stalinit’, shkruan Berisha në Facebook.   

Kujtojmë se drejtuesi i programit televiziv italian Report në RAI 3, Sigfrido Ranucci, deklaroi mbrëmë në intervistën ekskluzive në SYRI TV se vetëm Edi Rama dhe Sergei Lavrov i Rusisë ishin ankuar për investigimet e tyre.