Aambasadori britanik ka gjetur kohën për të reaguar, duke dënuar veprimet e qytetarëve të irrituar që protestuan sot para Bashkisë kundër vjedhjes flagrante, ndërsa nuk gjen qoftë edhe një fjali të vetme që të dënojë vjedhjen e 30 mln eurove nga banda e Veliajt me emërtimin ‘5D’ dhe as për SPAK-un që rri e vështron se si një kryebashkiak hajdut qëndron ende në zyrë dhe drejton punët e qytetit.

Ndërkohë, nëse bëjmë një kërkim të shkurtër në mediat britanike mund të rikujtojmë se si në Qershorin e vitit 2017, protestuesit që kërkonin ndihmë, për ata që u prekën nga zjarri në kullën “Grenfell”, hynë me forcë në Bashkinë e Kensingtonit dhe Chelseat, ku paraqitën një listë me kërkesa.

Të paktën, 50 apo 60 njerëz u shkëputën nga turma që protestonte jashtë dhe hynë në ndërtesë duke përdorur dhunën fizike.