Nënkryetarja dhe deputetja e Partisë së Lirisë, Erisa Xhixho, ka zhvilluar një takim me kryeministrin e Kosovës, Albin Kurti.
Teksa publikon një foto të këtij takimi, Xhixho, përmes rrjeteve sociale thekson se Paqja dhe siguria në botë nuk arrihen pa gjithëpërfshirjen e grave dhe vajzave në proceset demokratike.
Dhe në këndvështrimin e saj, Kosova e ka bërë këtë, duke i mbështetur gratë me politika konkrete.
Reagimi i plotë i Erisa Xhixhos
Gjithmonë kënaqësi takimi me kryeministrin Kurti.
Ndamë së bashku pikëpamjen se Paqja dhe siguria në botë nuk arrihen pa gjithëpërfshirjen e grave dhe vajzave në proceset demokratike.
Duhen më shumë vepra dhe politika konkrete për gratë dhe vajzat se sa fjalë.
Dhe Kosova e ka bërë këtë, duke i mbështetur gratë me politika konkrete.
Arsimimi i grave dhe vajzave mbetet garanci për përparimin e zhvillimin e shoqërisë. Liria ekonomike ka rëndësi kyçe për barazinë gjinore.
Duke ua dhënë këto mundësi grave dhe vajzave, kemi shtruar rrugën për një botë paqësore dhe të sigurt!
© SYRI.net