Partia e Lirisë ka propozuar në Këshillin bashkiak të Tiranës që çmimi i qirasë për banorët e prekur nga termeti të unifikohet me çmimin e tregut sipas zonave ku banorët përfitojnë.

Këtë njoftim e ka dhënë përmes një postimi në facebook Endrit Braimllari, nënkryetari i Partisë së Lirisë.

Postimi:

Sot në mbledhjen e Komisionin të planifikimit urban dhe strehimit social në këshillin bashkiak Tiranë, propozova që çmimi i qirasë për banorët e prekur nga termeti të unifikohet me çmimin e tregut sipas zonave ku banorët përfitojnë.

Çmimet e qirasë në Tiranë janë rritur ndjeshëm ndaj banorët e prekur nga termeti duhet të trajtohen nga bashkia me çmimin e tregut me qëllim që të përballohet kosto e lartë e jetesës.