Gjatë fjalës në tubimin qytetar, kreu i PD-së, Sali Berisha ka sfiduar sërish gjyqtaren Irena Maneku-Gjoka. Berisha i ka bërë sfidë publike gjyqtares, për të treguar nëse është përjashtuar ndonjëherë nga Greqia dhe cila ka qenë arsyeja e këtij ekspulsi.

Pjesë nga fjala e kreut të PD-së, Sali Berisha:

Miqtë e mi, sot dhe çdo ditë del në pah fytyra e shëmtuar, deformimi ekstrem, morali zero i drejtësisë së re, të reformës së Xhorxh Sorosit që e shndërroi drejtësinë në degë ekzekutivi, armike të lirive dhe të drejtave të shqiptarëve.

Shikoni Dumanini se ç’bën me McGonigalin? Shikoni Dumanin se ç’bën me djegësat? Shikoni Gjykatën Kushtetuese se çfarë vendosi dje në mënyrën më të turpshme, më vulgare për të përmbytur Dibrën.

Kurse sot, një person që edhe njeri ta quash, nuk e meriton, mashtron me pafytyrësi ekstreme.

Avokati Gjokutaj ua shpjegoi, u paraqitën në përputhje me ligjin, për të paraqitur kërkesën në përputhje me ligjin, kurse gjykatësja pa ligj dhe moral ligji, që fshihet prapa krimit, mashtronte ligjin, falsifikonte ligjin, tregonte fytyrën e vërtetë të drejtësisë së Edi Ramës, fytyrën e vërtetë të fytyrës së narkoshtetit.

Meqë jam këtu, më lejoni t’i bëj një pyetje në emër të qytetarit dixhital, i cili më thotë: Drejtor, pyete pak këtë Maneku-Gjokën mos të kanë ekspulsuar ndonjëherë nga Greqia dhe pse të kanë ekspulsuar.

E di ajo vetë, ka ndodhur apo nuk ka ndodhur, është punë e saj, por unë porosinë e qytetarit do e kryeja.