Belind Këlliçi, anëtar i Kryesisë së PD-së, ka reaguar pas vendimit të Kolegjit Civil të Gjykatës së Lartë sot lidhur me statutin e Partisë Demokratike për prishjen e vendimit të datës 3 mars të Gjykatës së Apelit të Juridiksionit të Përgjithshëm Tiranë dhe kthimin e çështjes për rishqyrtim në po këtë gjykatë me një trupë tjetër gjykuese. 

Sipas Këlliçit, "zyrtarisht sot Partia Demokratike e Shqipërisë ka organet e saj legjitime dhe Kryetarin e saj të zgjedhur Sali Berishën. Kuvendi Kombëtar i 11 Dhjetorit 2021 është në fuqi", ka nënvizuar ai.