Belind Këlliçi ka publikuar sot dokumente, që sipas tij janë fshehur nga SPAK për të amnistuar Erion Veliajn. Këlliçi publikoi shkresa dhe korrespodenca, se si inceneratori u krijua me kërkesë të Veliajt, që në kundërshtim me ligjin shmangu Këshillin Bashkiak dhe Këshillin e Qarkut. Sipas Këlliçit edhe sot Kryebashkiaku Veliaj në mënyrë të kundërligjshme mban peng projektin, e kjo e faktuar nga shkresat e Ministres së infrastrukturës Belinda Balluku.
Nga SYRI TV
Ishdeputeti i Partisë Demokratike, Belind Këlliçi bëri publik këtë të shtunë dokumentet që sipas tij janë fshehur nga SPAK-u me qëllim për të mbrojtur dhe amnistuar Erion Veliajn, lidhur me aferën e djegësve.
Në konferencën e përbashkët me kryetarin e PD-së, Sali Berisha, Këlliçi deklaroi se firma e Erion Veliaj, tregon e zeza mbi të bardhë se ai është përgjegjës kryesor për vjedhje me inceneratorët, por SPAK refuzon ta shohë.
Këlliçi solli edhe korrespodencën e Ministrisë së Infrastrukturës Belinda Balluku me Erion Veliajt, ku sipas tij shihet qartë që kryebashkiaku mbajti peng qëllimisht në mënyrë të kundërligjshme projektin, edhe pse në dijeni që kompania e djegësit nuk ekzistonte.
Ndërkohë edhe arrestimi dy drejtorëve të Bashkisë nga SPAK, për Këlliçin është 5 muaj i vonuar, pasi përfshirja e tyre ishte e dokumentuar që në dosjen e GJKKO në muajin korrik. Këlliçi i kërkoi SPAK-ut të hetojë pronarin e vërtetë të djegësve, Erion Veliajn.
© SYRI.net