Deputeti i Partisë Demokratike, Luan Baçi ka reaguar pas deklaratës së kryebashkiakut të Fierit, Armando Subashi, se zjarri nuk ka rënë në shtëpinë e të moshuarve, por në një godinë të braktisur aty afër.

Në postimin e tij në Facebook, Baçi i ka bërë thirrje Policisë së Shtetit të zbardhë ngjarjen dhe ti përgjigjet pyetjeve, ku një ndër to edhe se përse nuk lejohen mediat të filmojnë ambientet e brendshme të azilit të pleqve.

Postimi i plotë:

Pas lajmit se ka rene zjarr ne shtepine e te moshuarve ne Fier, njoftim ky i bere nga policia, kryetari i bashkise  Subashi, ne nje dalje per mediat beri me dije, se zjarri nuk ka rene ne shtepine e te moshuarve, por ne nje godine te braktisur afer shtepise se te moshuarve dhe se tymi ka depertuar brenda ambjenteve te shtepise se te moshuarve!

Policia ka detyrimin te pergenjeshtroj lajmin e dhen me pare dhe te bej me dije opinion publik;

Ku ka rene zjarri?

Ne cilen godine te braktisur?

Ne pronesi te kujt eshte godina?

Shkaqet e renies se zjarrit?

Pse nuk pasqyrohet ne media, godina qe eshte djegur?

Pse nuk lejohen mediat te filmojne gjithe ambjentet e brendshme te  shtepise se te moshuarve?

Kush genjen, policia apo kryetari i bashkise ?

Policia nuk mund te bej njoftim zyrtar, pa u verifikuar ne vend ngjarje realisht si eshte problemi!

Dikush duhet te pergjigjet!