Drejtori i Medias në Partinë Demokratike, Alfred Lela i ftuar në Edicionin e Pasdites në SYRI TV me moderatorin Edvin Parruca, ka folur për festimet e sotme në lidhje me 29 nëntorin.

Gjatë intervistës, Lela u shpreh se në Shqipëri tani pas 30 vitesh ka muze për persekutorët, por jo për ata që u persekutuan.

Sipas tij, kjo gjë është e rrezikshme.

‘Sot ka muze të persekutorëve, por nuk ka muze të të persekutuarve. Për Tepelenën u bë një zhurmë e madhe për idenë e kampit të Tepelenës, që të kthehej në muze.

Pati një zhurmë të madhe nga njerëz të pushtetit apo të lidhur me pushtetin, që të gjitha ngjyrat i çojnë tek e kuqja e komunizmit në kundërshtim të hapur, flagrant, të fortë kundër kësaj ideje.

Kjo është e rrezikshme. 

Një vend që ka 30 vite pas rënies së komunizmit, ka muze të persekutorvë dhe nuk ka asnjë muze të të persekutuarve, gjërat në këtë vend kanë shkuar keq.

Dhe përballë kësaj, Kisha Katolike me shumë të drejtë duke qenë një nga zërat e fundit dhe të vetmit të ndërgjegjes së mbetur, e ka ngritur zërin.

Shoqëria civile hesht, dhe nuk shqetësohet për gjëra që janë me të vërtetë fondamentale që kanë të bëjnë si me shtetin, me kombin dhe të ardhmen e vendit’, tha Alfred Lela në SYRI TV.

INTERVISTA E PLOTE: