Nga Ylli Manjani
Pyetja themelore që bën çdo shoqëri e përgjegjshme, pas çdo reforme të kryer është:
A vlejti ajo që u bë?
Në rastin tonë pyetjet që duhen bërë janë:
A u luftua korrupsioni 5 vite pas reformës në drejtësi?!
U luftua korrupsioni apo thjesht u rrit çmimi i shërbimit publik?!
U përmirësua apo u përkeqsua sjellja publike e zyrtarëve ndaj shtetasve?!
A erdhën apo u larguan investimet e huaja, siç u propogandua me të madhe para reformës?!
U përmirësua apo u përkeqësua shërbimi i gjykimit?!
Po besimi i publikut te drejtësia, u rrit apo jo?!
Këto janë kritere vlerësimi dhe jo çfarë thotë Edi Rama, propaganda e Tij politike, apo qoftë edhe ajo diplomatike e të huajve këtu.
Reformat janë për shoqërinë këtu dhe jo për politikanë e aq më pak për diplomatë.
Nëse përgjigjet e pyetjeve janë negative,atëhere të fala reformës!
***
Personalisht jam i bindur që shteti dhe shoqëria jonë kanë pësuar një deformim të rëndë të idesë së shtetit.
Kam bindje të plotë tashmë se nuk ja vlejti aspak gjithë ai investim publik e politik për të nxjerrë në rrugë gjykatës e prokurorë, të cilët në fund të fundit ishin burime njerëzore me përvojë, që shtetit sot i mungojnë.
Një shtet që nxjerr në rrugë punonjësit e tij, që kanë dënuar njerëz madje edhe me burgim të përjetshëm, nuk është shtet por bandë.
Ashtu siç kam bindje të plotë se sistemi i drejtësisë nuk u reformua, por me kanosjen bajate shtetërore që iu bë gjykatësve e prokurorëve, sistemi u deformua.
Megjithatë, secili është i lirë të ketë përgjigjen që do të pyetjeve të mësipërme.
Vetëm se nuk mund të mos them se çmimi i korrupsionit është rritur tashmë....
© SYRI.net