Stuhia e mesditës së sotme ka shkaktuar dëme të mëdha në biznese në kryeqytet. Ujërat e zeza kanë pushtuar rrugët dhe bizneset e kateve të para.
E tillë ka qenë situata edhe në biznesin mediatik të italo-shqiptarit Karlo Bollino, ku ujërat e zeza kanë përfshirë katin e parë të godinës së televizionit Report TV dhe për këtë shkak është ndërprerë edhe transmetimi live i TV.
Biznesmeni Bollino është i njohur për afërsinë me pushtetin e Ramës dhe situata e përmbytjeve e ka vënë disi në vështirësi, pasi i duhet të raportojë katastrofën e përmbytjes, por edhe të mbajë dorën në kritikë me pushtetin që s’bën punën e duhur me kanalizimet e kryeqytetit.
Më poshtë lajmërimi i vetë medias.
Transmetimet live të Report Tv janë ndërprerë pasi përmbytjet kanë prekur edhe godinën e televizionit mesditën e sotme (3 nëntor 2023).
Strukturat e emergjencës po punojnë për të stablizuar situatën.
Përmbytjet në Report Tv u shkaktuan nga problemet me kanalizimet në rrugën ‘Frosina Plaku’, pranë ish-parkut të Autobusave, ku ndodhet edhe godina e Report Tv.
Me stabilizimin e situatës së shpejti do i rikthehemi transmetimeve live në Report Tv dhe publikimit sa më shpejt të lajmeve në Shqiptarja.com.
Përmbytjet kanë përfshirë shumë pjesë të Tiranës dhe qytete të tjera.
© SYRI.net