RTK ka publikuar një material ku duket qartë që është qarkore koordinuese e Beogradit për ambasadorët e saj në Perëndim, ku i udhëzon të gjithë të kërkojnë në çdo takim largimin e Policisë së Kosovë nga veriu dhe dërgimin e KFOR atje.
Këtë qarkore mesa duket Edi Rama e ka marrë ditë më parë pasi kërkesa është identike dhe gjuha e njëjtë.
Rama e ka përsëritur këtë kërkesë edhe për prestigjozen Financial Times, gjë që ambasadorët e Vucic ndoshta nuk kanë mundësi ta bëjnë.
Serbia ka bërë një kërkesë që KFOR-i të marrë kontrollin e veriut dhe të nisë një hetim ndërkombëtar.
Atashetë ushtarakë të Serbisë kanë shpërndarë një dokument në ambasadat e tyre në mbarë botën, i cili përshkruan kërkesat kryesore të vendit për komunitetin ndërkombëtar pas "zhvillimeve të fundit në Kosovë".
Dokumenti sugjeron që KFOR-i duhet të zëvendësojë Policinë e Kosovës dhe të marrë përsipër të gjitha aspektet e sigurisë dhe menaxhimit të veriut, me prioritet kryesor ruajtjen e paqes dhe shmangien e konfliktit. Derisa të plotësohen kushtet për kthimin e dialogut të lehtësuar nga Brukseli, organizimin e zgjedhjeve të reja në komunat veriore, themelimin e Asociacionit të Komunave me Shumicë Serbe dhe përfshirjen dhe riintegrimin e serbëve lokalë të Kosovës në Policinë e Kosovës. KFOR-i duhet të mbajë kontrollin.
Për më tepër, një hetim ndërkombëtar duhet të kryhet për të përcaktuar se çfarë ka ndodhur më 24 shtator.
© SYRI.net