Shtypi grek shkruan sot se Departamenti i Shtetit u dërgoi një mesazh autoriteteve shqiptare në lidhje me rastin e kryebashkiakut të Himarës Fredi Beleri,  i cili ka mbetur në paraburgim. Sipas Departamentit të Shtetit, qeveria amerikane pret që të ndiqet fryma dhe gërma e ligjit të brendshëm në rastin Fredi Belerit. 

Në përgjigje të një pyetjeje të korrespondentëve grekë në Uashington, një përfaqësues i Departamentit të Shtetit tha se "ne jemi në dijeni të rastit (të ndalimit të Fredi Belerit) dhe presim që autoritetet shqiptare të ndjekin një proces të rregullt sipas ligjeve të vendit."