Vendimi i qeverisë për rritjen e taksës së referencës për pronën prek drejtpërdrejt bizneset dhe qytetarët dhe do të rrisë deri në 76% çmimin e blerjes së apartamenteve në Tiranë. Kështu deklaroi nënkryetari i PD, Luçiano Boçi, teksa shtoi se pas këtij vendimi qëndrojnë interesat e oligarkëve në ndërtim. Ai theksoi se me PD në pushtet do të ulë të gjitha taksat.
Nga SYRI TV
Partia Demokratike shprehet kundër vendimit të qeverisë për rritjen e taksës së referencës së pronave në kryeqytet. Në një dalje për mediet nga selia blu, nënkryetari Luçian Boçi deklaroi se nga dyfishimi i çmimeve të referencës preken drejtpërdrejt familjet dhe bizneset. Sipas Boçit, blerja e një shtëpie në Tiranë tashmë do kushtojë nga 5 % deri në 76% më shtrenjtë.
Më tej Boçi theksoi se pas vendimit të qeverisë qëndrojnë interesat e një grushti oligarkësh dhe pastrimi i parave të pista në ndërtim.
Sipas numrit 2 të PD-së, Luçiano Boçi, opozita në pushtet do të ulë të gjitha taksat, duke i cilësuar ato si një masë çnjerëzore e qeverisë Rama.
© SYRI.net