Partia e Lirisë, mbledh nesër Komitetin Drejtues Kombëtar, për të nisur zbatimin e menjëhershëm të statutit të miratuar në Konventën Kombëtare.
Në sajë të ndryshimeve të reja në struktura presidenti Ilir Meta ka publikuar emrat që propozon sipas posteve përkatëse.
Njoftimi:
Kryesia e Partisë të Lirisë vendosi të thërrasë nesër, në datën 30 prill 2024, në ora 18:00, mbledhjen e Komitetit Drejtues Kombëtar, për të nisur zbatimin e menjëhershëm të statutit të miratuar në Konventën Kombëtare.
Kryesia e Partisë së Lirisë vendosi t’i propozojë Komitetit Drejtues Kombëtar votimin e anëtarëve të Kryesisë aktuale për të formuar Kryesinë Politike të Partisë së Lirisë.
Kryesia e Partisë së Lirisë propozoi të hedhë në votim, për anëtarë të rinj të Kryesisë Politike edhe emrat, si më poshtë vijojnë:
1. Myrvete Asqeri (Anëtare e KDK)
2. Adriatik Hoxha (Anëtar i KDK dhe Sekretar për Sportet)
3. Ana Gjidiaj (Anëtare e KDK)
4. Bedri Merhori (Anëtar i KDK)
5. Besnik Jakaj (Anëtar i KDK)
6. Fatjona Selimaj (Anëtare e KDK, Kryetare e PL, Fushë-Arrëz)
7. Erisilda Hoxha (Anëtare e KDK, Kryetare e PL Kuçovë)
8. Brunilda Salaj (Anëtare e KDK)
9. Pegiola Toro (Anëtare e KDK dhe Këshilltare, Bashkia Roskovec)
10. Denis Hidri (Anëtar i KDK)
Cilido anëtar i Komitetit Drejtues Kombëtar, që dëshiron të kandidojë për anëtar të Kryesisë Politike të Partisë së Lirisë, është i lutur të dorëzojë pranë Departamentit të Organizimit në Partinë e Lirisë, një kërkesë, bashkëlidhur me një CV, deri nesër, datë 30 prill 2024, ora 10:00.
Kryesia e Partisë së Lirisë në zbatim të Statutit të miratuar në Konventën Kombëtare, vendosi t’i propozojë Komitetit Drejtues Kombëtar, që mblidhet nesër, datë 30 prill 2024, ora 18:00, votimin e katër Zëvendës Sekretarëve të Përgjithshëm, si më poshtë vijon:
1. Silva Caka - Sekretare për Marrëdhëniet me Publikun, juriste
2. Brunilda Haxhiu - Sekretare për Familjen dhe Kundër Shpopullimit – filozofi-sociologji
3. Anxhela Shenaj - Këshilltare, Bashkia Vlorë, -ekonomiste
4. Bedri Merhori - Anëtar i KDK - ekspert i sigurisë
© SYRI.net