Gazetarja Alba Kepi ka folur për vizitën private të Giorga Melonit ditën e djeshme në Shqipëri, e cila u mikprit në vilën qeveritare në Dhërmi.

Kepi shprehet se kjo vizitë përveçëse një vizite pushimi, siç pretendohet, është një vizitë pune në të cilën po diskutohet një manipulim nga ana e kryeministrit Rama për të bindur Melonin që të shkëpusë Shqipërinë nga Maqedonia e Veriut dhe të çojë drejtë integrimit në BE si një vend i vetëm.

Gjithashtu Kepi solli në vëmendje dhe mosmbajtjen e  premtimit të emigrantëve nga ana e kryeministres italiane duke lënë në vendin kolaps të jashtëzakonshëm.

“Giorgia Melonin vjen mike në vilën e Edi Ramës dhe sot të gjitha mediat italiane kanë përcjellë pamje nga vila e  Edi Ramës  e cila po ruhej në mënyrë mjaftë të izoluar, mjaftë e blinduar nga forcat e rendit si përmes detit e si përmes tokës pikërisht për të pasur një privatësi që mund të jenë pushime por, siç raportojnë mediat italiane, nuk është vetëm një vizitë pushimi e private. Është një vizitë edhe pune.

Brenda saj ka dhe një axhendë të ngjedhur që nuk lidhet jo vetëm me interesat dhe nevojat që ka Italia për shkak të pozicionit gjeografik dhe mundësinë që i jep Shqipëria si një tokë e cila nuk ka  mundësi të investojë por edhe tema të tjera të rëndësishme nga ana e Shqipërisë. Shqipëria ka  nevojë të hyjë në Europë dhe e di se pa Italinë nuk mund të hyjë. Mua më vjen mirë që po nënvizohet roli i rëndësishëm i Italisë.

Ajo ç’ka Rama po tenton të bëjë është të bind  Giorgia Melonin  të bëhet faktor dhe të ndajë Shqipërinë nga Maqedonia e Veriut për të hyrë në rrugëtimin e Bashkimit Europian  jo si një dyshe siç është trajtuar deri më sot por si një vend i vetëm. Një tjetër temë e rëndësishme e nxehtë në këtë tavolinë  private, zyrtare  që po bëhet në vilën e Dhërmiut  është edhe tema e emigracionit. Mos harrojmë se Italia ka një kolaps të jashtëzakonshëm  të sistemit kombëtar. Ka një kolaps të strehimit, mikpritjes së emigrantëve deri tek minorenet e pashoqëruar. Sot ka dalë një raport jashtëzakonisht negativ.

Premtimin numër 1 i Giorgia Melonit për të garantuar ndalimin e emigracionit të paligjshëm  nuk është mbajtur deri më sot. Kanë kaluar gati një vit nga qeveria e  saj. Në raportin nga 1 janari deri më 31 korrik të 2023 është vërtetuar se emigrantët e mbërritur janë mbi dyfish në të njëjtën periudhë kohore të një viti më parë dhe emigrantët minorenë janë mbi dyfshin në të njëjtën periudhë kohore  të një viti më parë. Një nga premtimet e saj nuk është mbajtur dhe thuhet se jo pak herë Shqipëria është trajtuar si një vend ‘hotspot’ për të mikpritur  fluksin e  emigrantëve që vijnë përmes Mesdheut.”

INTERVISTA E PLOTE: