Ka rinisur seanca e Këshillit të Mandateve për kërkesën e SPAK në lidhje me arrestimin e Arbën Ahmetajt.

Pas nisjes me debate të mbledhjes, pasi opozita kërkonte që të ishte me dyer të hapura, ndërsa PS dhe SPAK jo, kanë rinisur edhe pyetjet për drejtuesin e SPAK, Altin Dumani.

Deputeti Gazment Bardhi ka pyetur Dumanin nëse kishte informacione se ku është Arben Ahmetaj, në Shqipëri apo ka ikur në Kanada.

‘A keni informacion ku ndodhet Ahmetaj në këtë moment, është në Shqipëri; mos ka ikur në Kanada? Keni informacion për këtë?’, ka qenë pyetja e Gazment Bardhit për Altin Dumanin, ndërsa ky i fundit parashtronte kërkesën për arrestimin e ish/zëvendësit të Edi Ramës.