Kryetari i Partisë Demokratike, Sali Berisha i bëri thirrje OKB dhe SHBA-ve të hetojnë aksionin e policisë, ndaj muxhahedinëve të vendosur në Manzë. Lideri i opozitës e cilësoi ndërhyrjen e policisë, një krim të rëndë, që shkel ligjet dhe konventat ndërkombëtare.
SYRI TV
Kryetari i Partisë Demokratike, Sali Berisha ka kërkuar hetim ndërkombëtar për aksionin e policisë në kampin e muxhahedinëve në Manzë. Në një dalje nga selia blu, lideri i opozitës i bëri thirrje Organizatës së Kombeve të Bashkuara dhe NATO-s, të hetojnë, aksionin ndaj refugjatëve iranianë të strehuar në Shqipëri.
Kreu i Partisë Demokratike dënoi dhunën policore ndaj muxhahedinëve, duke e cilësuar ndërhyrjen e qeverisë, si një krim të rëndë.
Ish-kryeministri Berisha foli edhe sulmet kibernetike të Iranit ndaj sistemeve shqiptare, duke akuzuar kryeministrin se para këtyre sulmeve, ishte vetë ai që publikoi të dhënat personale të qytetarëve shqiptarë.
Kreu i demokratëve theksoi se PD është një parti që dënon terrorizmin por nuk pranon dhunën e ushtruar ndaj refugjatëve iraniane.
© SYRI.net