Yuri Kim do të largohet nga Shqipëria, duke lënë pas një humnerë demokratike në vend.
Në qendër të kësaj humnere janë manipulimet industriale të zgjedhjeve.
Farsa e fundit zgjedhore më 14 maj ishte një nga abuzimet më të mëdha elektorale në historinë e vendit.
Yuri Kim nuk reagoi për këtë çështje, ajo heshti edhe kur mediat u mbushën me denoncime të shumta për këtë manipulim.
Por sot ajo mori Çelësin e Tiranës si vlerësim nga Erion Veliaj.
“Tirana ka qenë si një shtëpi për 3 vitet e fundit dhe do jetë shumë e vështirë për t’u larguar nga shtëpia, por kam ndjesinë që do të mbetet familja ime dhe shpresoj që gjithmonë të rikthehem në shtëpi”, u shpreh Kim.
Kujtojmë se Kim ishte në krah të njërit prej të akuzuarve kryesorë për manipulimin zgjedhor.
SYRI TV dhe Piranjat faktuan skandalin e atyre që njihen si votuesit shëtitës fantazmë në Tiranë.
© SYRI.net