Kryetari i Partisë së Lirisë, Ilir Meta, ka ndarë në rrjetin e tij social Facebook foto të disa të rinjve, ku ndër to dhe Xhonatan i cili sapo ka ardhur nga Hollanda, për tu angazhuar në fushatë për të shpërndarë fletëpalosjet për Belind Këlliçin.
‘’Janë me qindra e mijëra të rinjtë tanë, që po vijnë nga jashtë, nga vendet ku studiojnë apo punojnë, që i bashkohen shtabeve tona në terren. Sepse Tirana do u përkasë të rinjve në 14 Maj!’’, shkruan Meta ndër të tjera.
Postimi i plotë i Metës:
Xhonatani, sapo erdhi nga Hollanda, vrapoi te Adan Kaba për të bërë fushatë për të, si këshilltar në Bashkinë e Tiranës dhe për të shpërndarë fletëpalosjet për Belind Këlliçin.
Sot në mesnatë, sapo të mbaroj debatin te "Opinion" me gazetarin e njohur Blendi Fevziu, edhe unë do u bashkohem atyre.
Janë me qindra e mijëra të rinjtë tanë, që po vijnë nga jashtë, nga vendet ku studiojnë apo punojnë, që i bashkohen shtabeve tona në terren. Sepse Tirana do u përkasë të rinjve në 14 Maj!
© SYRI.net