Kandidati i koalicionit ‘Bashkë Fitojmë’ për Bashkinë e Libohovës, Adil Xhelili ka denoncuar administratën se kanë derdhur beton elektoral në fshatin Bulo.
Në postimin e tij në Facebook, Xhelili thekson se ‘koha e llogaridhënies për këta mashtrues po afron dhe kurrë nuk do të ketë punë të tilla pas 14 majit’.
‘Nxituan dhe në Bulo të hidhnin ca "balloma" beton, shpejt e shpejt si të zënë në faj se mos i kapte dikush e u kërkonte llogari. Banorë të Bulos e gjithë fshatrave, çohuni e kërkoni llogari se po ju gënjejnë sërish me çingërima, jeni njerëz dinjitozë që paguani taksa dhe nuk meritoni të talleni në këtë mënyrë’, shkruan Xhelili.
Postimi i plotë:
Nxituan dhe në Bulo të hidhnin ca "balloma" beton, shpejt e shpejt si të zënë në faj se mos i kapte dikush e u kërkonte llogari.
Pa projekt, pa plan, pa kanalizime, pa deklaruar asnjë shpenzim.
Kjo duhej të ishte unaza e premtuar e fshatit, rrugë me trotuar, ndriçim, gjelbërim?!
Për këtë do të paguajnë taksa banorët?!
Për kaq gjë u tallën me ta për vite e vite me radhë dhe ua bënë në 2 orë?!
Mjafton kaq për të siguruar ca vota dhs pastaj kur të shihemi prapë?!
Banorë të Bulos e gjithë fshatrave, çohuni e kërkoni llogari se po ju gënjejnë sërish me çingërima, jeni njerëz dinjitozë që paguani taksa dhe nuk meritoni të talleni në këtë mënyrë.
Koha e llogaridhënies për këta mashtrues po afron dhe kurrë nuk do të ketë punë të tilla pas 14 majit.
Të ndryshojmë këtë mënyrë pune, duke u qëndruar çdo ditë banorëve pranë për punë të vërteta, të rivendosim dinjitetin si hapin e parë në marëdhënien tonë afatgjatë!
© SYRI.net