Aktivisti Andi Tepelena ka deklaruar se sot beteja në kryeqytet është të shpëtojmë atë që mundet nga historia dhe identiteti.

I ftuar në “A Show” me Adi Krastën në Syri Tv, Tepelena shprehet se kullëzimi i Tiranës krijon në arkitekturë kaotike e cila rrezikon humbjen e ADN-së tonë identitare.

“Diskutimi i sotëm është ku do të vendohen këto kulla. Në një qendër urbane që ka ndërtesa të ulëta apo prane monumenteve të trashëgimisë kulturore, apo duhet një zonë e veçantë e dedikuar me destinacion komercial siç mund të jetë Paskuqani. Beteja e sotme është për të shpëtuar atë çka mundesh nga qendra historike e Tiranës, nga memoria e identiteti jonë  dhe kullëzimi i kësaj krijon një arkitekturë kaotike e konfunzionale dhe kjo bën që të humbasim ADN-në tonë identitare” u shpreh Tepelena.