Kryetari i Partisë Demokratike Sali Berisha ka reaguar pasi kryeministri Edi Rama është pritur me protestë nga një shqiptar në Britani gjatë vizitës së të enjtes, 23 mars. 

Teksa ishte duke zbritur nga makina, Rama u fut në anën e pasme të godinës '10', pasi mendoi se do shmange protestat. Por aty e priste një shqiptar, i cili kishte vendosur në trotuar flamurin shqiptar dhe një tabelë që shkruante Edi Rama. 'O hajdut. Albanian criminal. Albanian mafia. Duhet të të vijë turp nga vetja. Të gjithë bosat e drogës vijnë këtu', dëgjohet të shprehet shqiptari i revoltuar.

‘Kështu pritet kudo krim-ministri Rama! Ai është arsyeja pse shqiptarët janë larguar!’, shkruan Berisha në Facebook.