Rritja e çmimit të patentës kanë sjellë reagime në vendin tonë.

Qytetarët janë revoltuar me marrëveshjen tre paleshe mes drejtorit të patentave, Blendi Gonxhe, shoqatës së autoshkollave dhe drejtorisë së tatimeve.

Qytetarët tani do të duhet të paguajnë 850 mijë lekë për të marrë patentën, dyfishi i çmimit aktual dhe shumë herë më lart se vendet e rajonit dhe më gjerë.

Kryetari i Partisë Demokratike, Sali Berisha në një reagim në Facebook shkruan se Blendi Gonxhe është një hajdut i papërmbajtur.

‘Gonxhe, një hajdut i papërmbajtur, dyfishon çmimin e patentave! Qytetarët tani shkojnë në Kosovë për patentë, aty nuk vidhet!’, shkruan kreu i PD-së në Facebook.